Գիտնականներ. Սուրճը կփրկի շաքարային դիաբետից

News.am. 10-3-2011- Սուրճը պարունակում է հակաօքսիդանտներ, որոնք կանխում են պիտանի բջիջների վնասվելը։ Բրիտանական Կոլումբիայի համալսարանի կանադացի փորձագետները պարզել են, որ բարձր ջերմաստիճանի տակ սուրճի հատիկները բովելը մեծացնում է այդ հակաօքսիդանտների քանակը։

Ինչպես գրում է «Տրուդ» թերթը, գիտնականները եկել են այս եզրակացության՝ վերլուծելով քիմիական միացությունների բարդ շղթան։ Սուրճի հատիկները բովելու ընթացքում այդ հակաօքսիդանտների առաջանալու գործընթացը կոչվում է Մայյարի ռեակցիա եւ նկարագրված է 20-րդ դարասկզբի ֆրանսիացի քիմիկոս Լուի-Կամիլ Մայյարի աշխատությունում։ Այս ռեակցիան բերում է բազմաթիվ միացությունների ձեւավորման, որոնք էլ յուրահատուկ համ եւ հոտ են հաղորդում ջերմային մշակման ենթարկված մթերքներին։ Նույն ռեակցիայի հետեւանք է, օրինակ, տապակած մթերքների ոսկեգույն կեղեւը։
Հակաօքսիդանտներ պարունակվում են սուրճի կանաչ հատիկներում։ Սակայն արդյունքները ցույց են տվել, որ հատիկների բովումը ոչ միայն «համեղ է», այլ նաեւ՝ օգտակար։