News.am. 16-6-2011- Թուրքիայի քաղաքական ուժերը որեւէ հայ թեկնածուի չառաջադրեցին խորհրդարանական ընտրություններում, սակայն առաջադրեցին Հայոց ցեղասպանության ճանաչման դեմ պայքարող երկու պատմաբանների։Թուրքիայի իշխող «Արդարություն եւ զարգացում» կուսակցությունը Անկարայի 2-րդ ընտրատարածքից առաջադրել էր Հայոց ցեղասպանության հերքման մասին գիրք գրած պատմաբան Սեյիթ Սերթչելիքին, ով հայերեն իմացող միակ թուրք պատմաբանն է։ Հունիսի 12-ի խորհրդարանական ընտրությունների արդյունքում Սեյիթ Սերթչելիքն անցել է խորհրդարան։
Թուրքիայի «Ազգայնական շարժում» կուսակցությունը Կոնիայից առաջադրել էր Թուրքիայի պատմագիտական ընկերության նախկին նախագահ, Հայոց ցեղասպանությունը զավեշտալի պնդումներով հերքող տխրահռչակ պատմաբան Յուսուֆ Հալաչօղլուն։ Նա եւս անցել է խորհդարան։
Նշենք, որ ընտրություններից օրեր առաջ Յուսուֆ Հալաչօղլուն պնդել էր, թե իրեն պաշտոնից ազատել էին Հայաստանի եւ ԱՄՆ-ի պահանջով։
Tehran Time
Yerevan Time
No comments:
Post a Comment