Panorama.am. 24-6-2011- «Հենց միայն այն հանգամանքը, որ այդ հաղորդագրության մեջ նշվում է Ղարաբաղը, ինքնին շատ կարևոր է: Փաստորեն, նաև ԱՄՆ նախագահը հրապարակայնորեն ընդունում է, որ առանց ԼՂՀ-ի հնարավոր չէ կարգավորել այս հակամարտությունը և Հարավային Կովկասում խաղաղություն հաստատել»- մեկնաբանելով Սպիտակ տան տարածած հայտարարությունը՝ Panorama.am-ի հետ զրույցում նշեց ԼՂՀ նախագահի հասարակայնության հետ կապերի գլխավոր վարչության պետ Դավիթ Բաբայանը:Հիշեցնենք, որ ԱՄՆ նախագահ Բարաք Օբաման հեռախոսազրույց էր ունեցել Ադրեբեջանի ու Հայաստանի նախագահների, ինչի վերաբերյալ Սպիտակ տունը հաղորդագրություն էր տարածել, որում մասնավորապես նշվում է. «Նախագահ Օբաման երկու առաջնորդներին էլ ասել է, որ այժմ այս հակամարտությունը լուծելու և Հայաստանի, Ադրբեջանի ու Լեռնային Ղարաբաղի ժողովուրդներին լավագույն ապագա առաջարկելու ճիշտ ժամանակն է»:
«Արցախի ու Հայաստանի անվտանգությունը մեկ միասնական համակարգ է, եթե այս անվտանգության համակարգը չնչին իսկ թուլանում է, ապա մենք որպես գործոն դադարում ենք մեր դերակատարությունը լիարժեք իրականցնել՝ դրանից բխող բոլոր հետևանքներով»,- հավելեց Դ. Բաբայանը:
Tehran Time
Yerevan Time
No comments:
Post a Comment