Թուրքերը հնարավոր է՝ զրկվեն Euro 2012–ին մասնակցելու իրավունքից

Tert.am. 10-8-2011- Թուրքիայի ֆուտբոլի ազգային հավաքականին հնարավոր է՝ զրկեն Euro 2012 առաջնությանը մասնակցելու իրավունքից։ Այս մասին, ինչպես տեղեկացնում է CNNTurk–ը, հաղորդել է RTL հեռուստաալիքը։

RTL–ը նշել է, որ UEFA–ն հնարավոր է՝ նման որոշում կայացնի, եթե ապացուցվի, որ Թուրքիայի ֆուտբոլի ֆեդերացիան տեղյակ է եղել որոշ ֆուտբոլային ակումբների կողմից պայմանավորված ֆուտբոլային հանդիպումներ անցկացնելու մասին և համապատասխան քայլեր չի իրականացրել այդ օրինազանցությունները կանխելու համար։
Հիշեցնենք, որ անցած ամիս Թուրքիայի պայմանավորված ֆուտբոլային հանդիպումներ կազմակերպելու կասկածանքով ձերբակալվել էին մի շարք ֆուտբոլային ակումբների ղեկավար կազմերի ներկայացուցիչներ, մարզիչներ, ֆուտբոլիստներ։