Բրայզային հնարավոր է փոխարինի Ստերլինգը

Tert.am. 27-12-2011- Ադրբեջանում ԱՄՆ դիվանագիտական ներկայացուցչության ղեկավար Մեթյու Բրայզայի պաշտոնավարման ժամկետի ավարտից հետո ԱՄՆ գործերի ժամանակավոր հավատարմատար կարող է նշանակվել դեսպանի տեղակալ Ադամ Սթերլինգը: Այս մասին հայտնում է 1news.az լրատվականը, հղում անելով դեսպանության տեղեկատվական բաժնի աշխատակից Քիթ Բինին:
Նշենք, որ ԱՄՆ նախագահ Բարաք Օբաման Մեթյու Բրայզային Ադրբեջանում ժամանակավոր դեսպան էր նշանակել առանց Կոնգրեսի հաստատման, սակայն օրենսդիր մարմնի վերին պալատը մինչ այժմ չի հաստատում նրա թեկնածությունը, իսկ նախագահը իրավունք չունի երկրորդ անգամ նույն անձին դեսպան նշանակել առանց Կոնգրեսի հաստատման: