ԱՄՆ-ն Իրանին կարող է թույլ տալ ուրանը հարստացնել մինչեւ 5%` պատասխան զիջումների փոխարեն

News.am. 28-4-2012- ԱՄՆ-ի ղեկավարությունը փորձում է Իրանի միջուկային ծրագրի լուծման համար փոխզիջում գտնել: Իրանի միջուկային օբյեկտներում միջազգային ստուգման թույլտվության փոխարեն ԱՄՆ-ը կարող է համաձայնել, որ Իրանը հարստացնի ուրանը մինչեւ 5%: Այդ մասին հայտնել է Los Angeles Times թերթը` վկայակոչելով ամերիկյան աշխատակազմի աղբյուրները: Ինչպես նշում է հրատարակչությունը, 5%-ն ուրանի հարստացման այն աստիճանն է, որն անհրաժեշտ է խաղաղ նպատակների նրա կիրառման համար: Միջուկային զենքի ստեղծման համար անհրաժեշտ է ուրանը հարստացնել մինչեւ 90%, գրում է «gazeta.ru»-ն: Հոդվածի հեղինակները գրում են, որ նման գործարքը կտրուկ քննադատություն կառաջացնի հանրապետականների կողմից, մասնավորապես, ԱՄՆ-ի նախագահի թեկնածու Միթ Ռոմնիի: