News.am. 25-4-2012- NEWS.am-ը որոշակի կրճատումներով ներկայացնում է «The Irish Times»-ում
հրապարակված Դենիել Մաքլաֆլինի հոդվածը. Ռոբերտ Բաղիրյանը պատմում է, թե ինչ է եղել նախկինում եւ ինչ է պատրաստ ինքն անել եւս մեկ անգամ. «Պատերազմի ժամանակ շատ ծանր էր: Ողջ քաղաքն էր ենթարկվում ռմբակոծության եւ մարդիկ ապրում էին նկուղներում, բայց այսօր մենք ապրում ենք ազատ, եւ պատրաստ ենք պաշտպանել դա մինչեւ վերջ: Ինչ էլ մեզնից չպահանջվի»: Բաղիրյանը տանկային հրամանատար է եղել 1988–1994 թթ. պատերազմի ժամանակ, որի արդյունքում Լեռնային Ղարաբաղում հայ ժողովուրդն առանձնացավ Ադրբեջանից եւ անկախություն հռչակեց: Հակարտությունը դեռեւս լուծված չէ, դեռեւս ստորագրված չէ խաղաղ պայմանագիրը: Ղարաբաղյան հակամարտության հարցն ուրբաթ օրը կքննարկվի Դուբլինում, որտեղ տեղի կունենա հակամարտության կարգավորման վերաբերյալ բարձր մակրադակով հանդիպում: Ներկայումս Իռլանդիան է նախագահում ԵԱՀԿ –ում: Լեռնային Ղարաբաղն ու Հայաստանում նրա հովանավորներն ասում են, որ 1988թ. Ադրբեջանի կազմից դուրս գալու մասին Ղարաբաղի գերագույն խորհրդի քվերակությունը համապատասխանում էր Միխայիլ Գորբաչովի կողմից ազատականացված խորհրդային օրենսդրությանը: Ադրբեջանն էլ պնդում է, թե դա սահմանը փոփոխելու եւ ադրբեջանական տարածքային ամբողջականությունը խախտելու ապօրինի փորձ էր: Հայաստանը Ադրբեջանի նախագահ Իլհամ Ալիեւին մեղադրում է ռազմական հեռետորաբանության մեջ` իր ավտորիտար ռեժիմից աջակցություն ստանալու համար: Ադրբեջանն էլ իր ապստամբ տարածաշրջանին առավելագույնս ինքնավարարություն է խոստանում եւ ցանկանում է, որ որպես խաղաղության առաջին քայլ` հայկական զորքերը լքեն Լեռնային Ղարաբաղի շուրջ գտնվող տարածքները: Հայաստանը պնդում է, թե դա անհնար է, քանի դեռ Ղարաբաղի անվտանգությունն ու կարգավիճակը չեն ապահովվել վերջնական համաձայնագրով: Երկու երկրներն էլ պնդում են իրենց բարոյական առավելության մասին: Բաքուն պնդում է, թե իր տարածքային ամբողջականությունն անձեռնմխելի է, իսկ Երեւանը պաշտպանում է Ղարաբաղի հայերի ինքնորշման իրավունքը: Տանկային նախկին հրամանատար Բաղիրյանը կտրուկ է. «Մենք մեր արյունն ենք թափել` ադրբեջանական վերահսկողությունից ազատվելու համար: Եթե նրանք փորձեն ինչ-որ բան անել, կստանան այն, ինչին արժանի են: Նրանք կզղջան դրա համար»:
Tehran Time
Yerevan Time
No comments:
Post a Comment