Panorama.am. 4-6-2012- ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի նախաձեռնությամբ, հայկական ու ադրբեջանական հասարակությունների մերձեցման հումանիտար նախաձեռնության շրջանակում, ԼՂ հակամարտության կարգավորմանն աջակցելու նպատակով Մոսկվայում այսօր մեկնարկել ու ընթանում է Հայաստանի ու Ադրբեջանի մի շարք ԶԼՄ ներկայացուցիչների հանդիպումը: Հայկական կողմից հանդիպմանը մասնակցում են «Առավոտ» օրաթերթի գլխավոր խմբագիր, «Շանթ» հեռուստաընկերության քաղաքական մեկնաբան Արամ Աբրահամյանը, «Գոլոս Արմենի» թերթի գլխավոր խմբագրի տեղակալ Մարինա Գրիգորյանը, Panorama.am-ի խմբագիր Արմեն Մինասյանը, «ArmRadio»-ի գլխավոր խմբագիր Արման Սաղաթելյանը, «OpenArmenia» ինտերնետ-ֆորումի ղեկավար Սամվել Մարտիրոսյանը: Ադրբեջանական կողմից հանդիպմանը մասնակցում են «1news.az»-ի գլխավոր խմբագիր Ռահման Հաջիևը, «News.az»-ի գլխավոր խմբագիր Էլնուր Բաիմովը, «Baku Post» թերթի գլխավոր խմբագիր Թոֆիգ Աբասովը, «Թրենդ» գործակալության փոխտնօրեն Ի. Հուսեյնովը և լրագրող Ազեր Հեսրետը: Հանդիպմանը մասնակցում են նաև Ռուսաստանում Հայաստանի ու Ադրբեջանի դեսպաններ` Օլեգ Եսայանն ու Փոլանդ Բյուլբյուլօղլուն, ինչպես նաև ԱՊՀ երկրների հումանիտար համագործակցության միջպետական հիմնադրամի գլխավոր տնօրեն Արմեն Սմբատյանը:
Tehran Time
Yerevan Time
No comments:
Post a Comment