Ադրբեջանցիները չեն հանդուրժում հայ–իրանական բարեկամությունը. Թուրքիայում ցույցերը շարունակվում են

Tert.am. 5-2-2011- Երեկ Թուրքիայի մայրաքաղաք Անկարայում ադրբեջանցիները հերթական բողոքի ակցիան են անցկացրել ընդդեմ հայ–իրանական բարեկամության։

Թուրքական Cihan գործակալության փոխանցմամբ՝ Ադրբեջանի և Թուրքիայի դրոշները պարզած՝ մոտ հարյուր ադրբեջանցիներ ու թուրքեր Անկարայում Իրանի դեսպանատան առջև հակահայկական կարգախոսներ են հնչեցրել՝ պահաջնելով Իրանից վերջ դնել Հայաստանի հետ հարաբերություններին և չմիջամտել Ադրբեջանի ներքին գործերին։
Ցուցարարները իրենց պահանջը ներկայացնող հայտարարություն են տարածել և սև ծաղկեպսակ դնելով Իրանի դեսպանատան մուտքի մոտ՝ հեռացել են։ Ակցիայի ժամանակ որևէ միջադեպ չի գրանցվել։
Հիշեցնենք, որ օրեր առաջ Թուրքիայում բնակվող ադրբեջանցիները նմանատիպ ակցիա էին կազմակերպել Ստամբուլում Իրանի հյուպատոսության առջև։