Panorama.am. 4-2-2011- Այսօր Ադրբեջանի Պահեստի և պաշտոնաթող սպաների միության գրասենյակում մամուլի ասուլիս են հրավիրել հացադուլ հայտարարած սպաների ընտանիքները, որոնց բնակարանային իրավունքները խախտվել են: Այս մասին տեղեկացնում է «Թուրան» լրատվական գործակալությունը: Ինչպես հայտնել է միավորման փաստաբան Թելման Աբիլովը, պաշտոնաթող սպաներ Բախտիյար Վեկիլովի և Ադալյաթ Գամբարովի ընտանիքները հունվարի 31-ից հացադուլ են հայտարարել: Պատճառը մեկն է. նրանցից խլել են այն բնակարանները, որոնցում վերջիններս ապրել են 30 տարուց ավելի: Սպաների ընտանիքները հանդիպել են իշխանությունների, ոստիկանության ճնշումներին:
Փաստաբանը կարծիք է հայտնել, որ սպաներին հատկացված 10 հա տարածքների վրա ինչ-որ մեկը «աչք ունի»: Արդյունքում սպաների ընտանիքների դեմ գործ է հարուցվել: Դատարանը որոշել է, որ մարդիկ պետք է լքեն իրենց բնակարանները:
Պահեստի և պաշտոնաթող սպաների միությունը դիմել է վճռաբեկ դատարան:
Աբիլովի տեղեկացմամբ, սպաների ընտանիքների անդամները հայտարարել են, որ հացադուլը շարունակվելու է այնքան ժամանակ, մինչև չվերականգվեն նրանց ոտնահարված իրավունքները: «Եթե իշխանությունները չեն կարող ապահովել իրենց քաղաքացիների իրավունքների իրացումը, ապա իրենք հրաժարվում են այդպիսի պետությունից»,- նշել են նրանք:
Վեկիլովը հայտարարել է, որ իր հոր, փոքր քրոջ և դստեր առողջությունը կտրուկ վատացել է, ծանր է նաև Գամբարովի վիճակը:
Tehran Time
Yerevan Time
No comments:
Post a Comment