Diplomat.am. 22-3-2011- Թուրքիայում հրատարակիչ Ռագըփ Զարաքոլուն և գրող Մեհմեդ Գյուլերը 2010 թվականի սեպտեմբերին սկսված դատավարության արդյունքում այս տարվա մարտի 10-ին դատապարտվել են «KCK թղթապանակ. գլոբալ պետություն և քրդերը առանց պետության» գրքում «Քրդական աշխատավորական կուսակցության օգտին քարոզչության» համար: Եվրոպայի Հայ դատի հանձնախմբի հաղորդագրության համաձայն` Զարաքոլուին ավելի քան 7 տարվա ազատազրկում է սպառնում հիշյալ գրքի հրատարակման համար, որը արգելվել և բռնագրավվել է անցած տարվա մայիսին` Դիարբեքիրի Գրքի տոնավաճառում հրապարակումից անմիջապես հետո:
Եվրոպայի Հայ դատի հանձնախումբը հիշեցնում է, որ Ռագըփ Զարաքոլուն և նրա կինը` Այշեն 1970-ականներից սկսած հետապնդումների են ենթարկվել Հայոց ցեղասպանության մասին գրքեր հրատարակելու համար:
Զարաքոլուի նկատմամբ նոր հետապնդումը, ինչպես ընդգծել է Եվրոպայի Հայ դատի ատենապետ Հիլդա Չոբոյանը, վկայում է, որ «թուրք առաջնորդների հայտարարությունները Ժողովրդավարության և Ազատ խոսքի ուղղությամբ դրական փոփոխության վերաբերյալ մտացածին են»:
Ռագըփ Զարաքոլուն այս տարվա փետրվարին այցելել էր Հայաստան, որտեղ Ազգային գրադարանում պարգևատրվեց Հակոբ Մեղապարտի անվան մեդալով ու շնորհակալագրով:
Tehran Time
Yerevan Time
No comments:
Post a Comment