WikiLeaks. Թուրքիայում իսլամն օգտագործվում է քաղաքական նպատակների հասնելու համար

News.am. 25-3-2011- Իսլամը Թուրքիայում «մոնոլիտ» չէ, քանի որ ե՛ւ սեկուլյարիստները, ե՛ւ պահպանողականները փորձում են շահարկել կրոնի դերն իրենց նպատակներին հասնելու համար։ Այս մասին ասված է վերջերս հրապարակված ամերիկյան դիվանագիտական դեպեշեի մեջ, գրում է թուրքական Hurriyet Daily News and Economic Review-ն։
2003 թվականի հունիսի 27-ի դիվանագիտական դեպեշեում, որը հրապարակվել է WikiLeaks-ի գործընկեր Taraf թեթի կողմից, հաստատվում է, որ կրոնի հարցերով Թուրքիայի վարչությունը ճնշում է իսլամական համոզմունքները։
Համաձայն դիվանագիտական հեռագրերի՝ սեկուլյարիզմի թուրքական տարբերակը «180 աստիճանով հակադրված է» ԱՄՆ վարկածին, քանի որ այն ժողովրդի կողմից ընտրված եւ Սահմանադրության կողմից պահպանվող վարկած չէ։
Համաձայն դեպեշեի՝ Վարչությունը Թուրքիայի պաշտոնական ամենամեծ կառույցներից է ուր աշխատում է 90 հազար մարդ։ Վարչությունը «քեմալական իսլամ» է «արտադրում», որն ընդհանուր քիչ բան ունի Անատոլիայի «պակաս էլիտար» հատվածներում։