Մայիսի 13-ին Ֆրանսիայի Վալանս քաղաքում, մեծանուն երգահան, դեսպան Շառլ Ազնավուրի ներկայությամբ բացվեց իր անվամբ զբոսայգի, որին մասնակցում էին Վալանսի քաղաքապետ Ալեն Մորիսը, Ֆրանսիայում Հայաստանի դեսպան Վիգեն Չիտեչյանը, ֆրանսիացի պատգամավորներ և սենատորներ, բազմաթիվ արվեստի գործիչներ, Ազնավուրի հազարավոր երկրպագուներ, հայ համայնքի ներկայացուցիչներ, լրագրողներ: Իր ելույթում Վալանսի քաղաքապետ Ալեն Մորիսը նախ շնորհակալություն հայտնեց Շառլ Ազնավուրին, որ համաձայնություն էր տվել իր անունով զբոսայգի կոչելու Վալանսում և նշեց, որ իր քաղաքի համար դա մեծ պատիվ է:
Ելույթներով հանդես եկան նաև Հայաստանի դեսպան Վիգեն Չիտեչյանը և ֆրանսահայ կինոդերասան Ժակի Ներսեսյանը: Ներկաներն այցելեցին նաև Վալանսի Հայկական ժառանգության կենտրոն, որից ոչ հեռու գտնվում է նորաբաց զբոսայգին: Վալանսի բնակչության 10 տոկոսը ծագումով հայեր են:
Tehran Time
Yerevan Time
No comments:
Post a Comment