Թուրքիայի ոչ մահմեդականները նոր սահմանադրություն են պահանջում

Aysor.am. 6-6-2011- Թուրքիայում հունական ուղղափառ համայնքի անդամները պահանջում են, որ պետությունն ընդունի նոր սահմանադրություն, որում ամրագրված կլինի, որ երկրի բոլոր քաղաքացիները հավասար իրավունքներ ունեն: Այս մասին տեղեկացնում է «TODAY’ S ZAMAN» պարբերականը:
«1982 թ.-ին ընդունված սահմանդրության փոխարեն` Թուրքիան պետք է նորն ընդունի, որտեղ պետք է հիմնական ուշադրությունը սևեռել մարդու իրավունքների և սոցիալական արդարության հարցերի վրա. մարդկանց պետք է իրավունք տալ ապրել իրենց համոզմունքներին համապատասխան»,- այս մասին հայտարարել է սոցիոլոգիայի դասախոս, թուրքահայ Արուս Յումուլը:
«Ոչ մահմեդականները դեռ չեն վստահում պետությանը` անցյալի պատճառով: Փոքրամասնությունները հույս ունեն, որ նոր սահամանդրությունը կընդունվի նոր խորհրդարանի կողմից»,- նշել է թուրքահայ լրագրող Բագրատ Էստուկյանը: