Հայաստանում, հնարավոր է, իրանական նավթամթերքների փոխադրման համար կենտրոն ստեղծվի

News.am. 17-6-2011- Ներկայումս Հայաստանի եւ Իրանի միջեւ բանակցություններ են վարվում իրանական Թավրիզ քաղաքից Հայաստան նավթամթերքի տեղափոխման համար նախատեսված խողովակաշարի կառուցման ուղղությամբ։
Բացի այդ, ուսումնասիրվում է նաեւ Երեւանում նավթամթերքի պահպանման նոր պահեստարան կառուցելու հարցը։ Mehr գործակալությանը տված հարցազրույցում այս մասին հայտարարել է Նավթամթերքների արտադրության եւ տարածման իրանական ազգային ընկերության գլխավոր տնօրեն Ջալիլ Սալարին։
Նրա խոսքով, Հայաստանում նավթամթերքների պահանջարկի ծավալը ներկայումս կազմում է օրական շուրջ 12 հազար բարել, եւ ինչպես սպասվում է, այդ ցուցանիշը կաճի օրական մինչեւ 22 հազար բարել։
Այսօր նավթամթերքների մի մասը Իրանից Հայաստան հասնում է ավտոցիստեռններով։