Վրաց-Ադրբեջանական համատեղ հակահայկական հայտարարություն

armweeklynews.am. 10-9-2011- Ադրբեջանի Ղարաբաղի ազատագրման կազմակերպության նախաձեռնությամբ ստեղծվել է վրաց –ադրբեջանական համակարգող խորհուրդ, որը զբաղվելու է տարածաշրջանային հակամարտություներով: Համակարգող խորհրդի կազմում ընդգրկվել են 12 վրացական ոչ կառավարական կազմակերպություններ, իսկ ադրբեջանական կողմից` երկու ոչ կառավարական կազմակերպություններ, հաղորդում է APA գործակալությունը: Համակարգող խորհուրդը հանդես է եկել հայտարարությամբ , ուր, մասնավորապես, նաև ասվում է`
Դատապարտել Հայաստանի և Ռուսաստանի գործողությունները, որոնց արդյունքում հարյուր հազարավոր մարդիկ դարձել են փախստականներ
Համարել աննպատակահարմար Լեռնային Ղարաբաղում ինքնորոշման հանրաքվեի անցկացումը, իսկ եթե կայանա համաձայնություն հանրաքվեի անցկացման վերաբերյալ , ապա ձայնի իրավունք ունենան նաև Հայաստանից արագաղթած 250 հազար ադրբեջանցիները
Վրացական և ադրբեջանական ոչ կառավարկան կազմակերպությունները մոռացել են, որ Լեռնային Ղարաբաղում ագրեսիան սկսել է Ադրբեջանը, իսկ Աբխազիայում և Հարավային Օսեթիայում ` Վրաստանը: Այդ ագրեսիաների հետևանքով տեղի ունեցան ռազմական գործողություններ, որի արդյունքում էլ տարածաշրջանում հայտվեցին շուրջ 500 հազար հայ փախստականներ, որոնք այսօր գտնվում են Հայաստանում , Ռուսաստանում և ԱՊՀ երկրներում:Այդ կոչը վրացիները և ադրբեջանցիները պետք է հասցեագրեին իրենց երկրի ղեկավարներին: