Aysor.am. 13-9-2011- Նախիջևանի հասարակական անվտանգության վարչությունը պահանջել է Բաքվից ժամանած լրագրողներից և իրավապաշտպաններից վերադառնալ այնտեղ, որտեղից եկել են: Այդ մասին լրագրողների և իրավապաշտպանների պատվիրակությանը ասել է Նախիջևանի ներքին գործերի նախարարության ներկայացուցիչը, որը չի ցանկացել հայտնել իր անունը:Իր պահանջը նա բացատրել է նրանով, որ օմբուդսմենից բողոք է եկել, որ Բաքվից ժամանածները իրենց վատ են պահում:
Նշենք, որ պատվիրակությանը հրաժարվել է ընդունել նաև Նախիջևանի ինքնավար հանրապետության օմբուդսմեն Ուլքյար Բայրամովը:
Օմբուդսմենի գրասենյակում լրագրողներին և իրավապաշտպաններին ասել են, որ ընդունելությունը իրականացվում է միայն նախօրոք պայմանավորվածությամբ և եթե նրանք գրանցված չեն, ապա նրանց ոչ ոք չի ընդունի:
Հիշեցնենք, որ Ադրբեջանի 20 առաջատար ԶԼՄ-ների գլխավոր խմբագիրներից, ինչպես նաև լրագրողներից և իրավապաշտպաններից կազմված պատվիրակությունը ժամանել է Նախիջևանի ինքնավար հանրապետություն և այցելել Տուրաչ Զեյնալովի ընտանիքին, որը ըստ նրա մերձավորների, սպանվել է օգոստոսի 28-ին Նախիջևանի Ազգային անվտանգության նախարարությունում:
Նշենք, որ Նախիջևանը շարունակում է մնալ Անդրկովկասի ամենափակ տարածաշրջանը, որտեղ ոտնահարվում են մարդու իրավունքները: Այդ մասին հաղորդում է «Ռեգնում»-ը:
Tehran Time
Yerevan Time
No comments:
Post a Comment