Թուրքիայում տղամարդը բռնաբարել է... բադի

Tert.am. 14-9-2012- Թուրքիայի Մարմարայի շրջանի Բուրսա տեղանքում ձերբակալվել է մի տղամարդ՝ բադի բռնաբարելու մեղադրանքով, հայտնում է Haberturk-ը: Իրավապահները տղամարդուն ձերբակալել են նրա բարեկամների բողոքի հիման վրա. նրանք պնդել են, որ գիշերն իրենց տանը մնալու ժամանակ նա սեռական գործողություններ է թույլ տվել իրենց բադերից մեկի հանդեպ: Տղամարդու աները պնդել է, թե անկողնում «փետուրներ և արյուն» է հայտնաբերել և որ «բադը չի կարողացել քայլել»: Զոքանչն էլ պատմել է, թե հաջորդ օրը տան այգում հայտնաբերել է տղամարդու արյունոտ շապիկը: 50-ամյա տղամարդը հերքել է բոլոր մեղադրանքները՝ անվանելով «զրպարտանք»: Բադը մի քանի վիրահատություն է տարել միջադեպից հետո: Թռչնի վիճակն այժմ լավ է: