Tert.am.5-1-2010- Երևանի և Անկարայի հարաբերությունների կարգավորումը որևէ կապ չունի Թուրքիայի՝ ԵՄ անդամակցության հետ: Այս մասին CNN Türk հեռուստաընկերությանն ասել է Թուրքիայի նախագահ Աբդուլլա Գյուլը:
«Ոչ հայ-թուրքական հարաբերությունները, ոչ էլ Հյուսիսային Կիպրոսի խնդիրը Թուրքիայի անդամակցության հետ առնչություն չունեն»,- ասել է նա:
Գյուլը նաև նշել է, որ որոշ եվրոպական ուժեր ճնշում են գործադրում Թուրքիայի վրա՝ կարծելով, թե այդ խնդիրը խոչընդոտում է Անկարայի անդամակցության գործընթացը:
Թուրքիայի նախագահի խոսքով՝ նույնիսկ եթե չլիներ ԵՄ անդամակցության հարցը, Հայաստանի հետ հարաբերությունների կարգավորումն այն խնդիրներից է, որ Անկարան ձգտում է լուծել:
Գյուլը նաև ընդգծել է Կովկասում խաղաղություն և կայունություն հաստատելու կարևորությունը: «Կովկասը չպետք է պատ դառնա Արևմուտքի և Արևելքի միջև: Տարածաշրջանի սառեցված հակամարտությունները պետք է լուծվեն»,- ասել է նա:
Գյուլը նշել է, որ Անկարան տարածաշրջանում թափանցիկ քաղաքականություն է վարում:
Tuesday, January 5, 2010
Subscribe to:
Post Comments (Atom)
No comments:
Post a Comment