Ալիևն ու Գյուլը հանդիպել են դեմ առ դեմ

Tert.am. 16-8-2010- Երկուշաբթի Բաքվում պաշտոնական արարողակարգային հանդիպումից հետո տեղի է ունեցել Ադրբեջանի նախագահ Իլհամ Ալիևի և Թուրքիայի նախագահ Աբդուլլահ Գյուլի առանձնազրույցը։ Այս մասին տեղեկություն է տարածել АзерТАдж գործակալությունը։ Հանդիպման ժամանակ երկու նախագահներն իրենց գոհունակությունն են հայտնել տարբեր ոլորտներում Ադրբեջանի և Թուրքիայի եղբայրական ու բարեկամական հարաբերությունների մակարդակի վերաբերյալ։ Երկրի ղեկավարներն ընդգծել են, որ Թուրքիայի նախագահի այցն Ադրբեջան կնպաստի երկու երկրների միջև կապերի ընդլայնմանը։ Հանդիպման ժամանակ տեղի է ունեցել մտքերի փոխանակում երկկողմ հարաբերությունների, տարածաշրջանային և միջազգային հարցերի շուրջ։