«Լրագիր» 3-2-2012- Իսրայելը պատրաստ է արդեն այժմ հարված հասցնել Իրանին, եթե պարզվի, որ պատժամիջոցները չեն աշխատում: Այդ մասին հայտարարել է Իսրայելի պաշտպանության նախարար Էհուդ Բարակը, ինչպես հայտնում է Ինտերֆաքսը:
«Եթե պատժամիջոցները չհանգեցնեն միջուկային ռազմական ծրագրի արգելակմանը, հարկ կլինի դիտարկել ռազմական լուծումների կիրառման հարցը», ասել է Բարակը:
Նա ասել է նաեւ, որ ներկայում շատ երկրների միջեւ կա համաձայնություն, որ եթե պատժամիջոցները չօգնեն Իրանի միջուկային ծրագիրը կանգնեցնելուն, ապա հարկ կլինի հարվածել Իրանին: Բարակի խոսքով, Իրանը մոտենում է միջուկային ծրագրի այն փուլին, երբ ռազմական ծրագրի հետաձգումը կլինի «ոչ գործնական»:
«Միջուկային Իրանի հետ գործ ունենալը ավելի դժվար է լինելու եւ ավելի շատ արյուն կպահանջի, քան եթե նրան կանգնեցնենք այժմ», հայտարարել է Իսրայելի պաշտպանության նախարարը:
Saturday, February 4, 2012
Subscribe to:
Post Comments (Atom)
No comments:
Post a Comment