Panorama.am. 23-4-2012- Թուրքիայի Բաթման նահանգի Սասուն գավառի Աջար գյուղի ներկայիս
բնակիչների և նախկին տերերի` հայերի միջև իրավական պայքար է սկսվել: Այս մասին տեղեկացնող թուրքական «Հյուրրիյեթ» (Hurriyet) օրաթերթը հայտնում է, որ 17 հոգուց կազմված հայերի խումբը դիմել է դատարան և պահանջել իրենց վերադարձնել հիշյալ գյուղատարածքը, որն ահաբեկչության պատճառով ստիպված էին եղել լքել 1986-ին: Իսկ գյուղի ներկայիս բնակիչները հրաժարվում են այն վերադարձնել նախկին տերերին` պատճառաբանելով, որ դրա առուվաճառքի մասին փաստաթղթեր ունեն և այժմ իրենք են գյուղի օրինական տերերը: Գյուղի նախկին տերեր հանդիսացող հայերը դատական հայց են ներկայացրել ընդդեմ Սասունի կադաստրի վարչության: Դատարանը կողմերին մինչև մայիսի 4-ը ժամանակ է տվել իրենց ձեռքի տակ եղած ապացույցները ներկայացնելու համար:
Tehran Time
Yerevan Time
No comments:
Post a Comment