Իրանում անցկացված մի շարք զորավարժությունների ժամանակ հաջողությամբ փորձարկվել են ամբողջովին տեղի
մասնագետների կողմից ստեղծված հակաօդային պաշտպանության (ՀՕՊ) նոր հրթիռային համակարգեր: Այս մասին նշված է Իրանի Իսլամական հեղափոխության պահակազորի (SEPAH) տարածած հաղորդագրության մեջ: Դրանում ասվում է, որ «Ռաադ» («Որոտ») միջին հեռահարության համակարգերն ի վիճակի են օդային թիրախներին հարվածել 50 կիլոմետր հեռավորության և ավելի քան 22 կիլոմետր բարձրության վրա: SEPAH-ի հրամանատարներից գեներալ Ամիր Ալի Խաջիզադեն հայտարարել է, որ այդ համակարգերը ստեղծվել են ամերիկյան ինքնաթիռների դեմ պայքարի նպատակով: Իրանը ներկայումս ռազմածովային զորավարժություններ է անցկացնում Պարսից ծոցում, որոնց մասնակցում են սուզանավեր ու էսկադրոնային ականակիրներ: Այդ ջրերում ընթանում են նաև ԱՄՆ-ի ու նրա դաշնակիցների ռազմածովային ուժերի մանևրները:
Tehran Time
Yerevan Time
No comments:
Post a Comment