Ադրբեջանը, Ռուսաստանն ու Իրանը Հյուսիս-Հարավ տրանսպորտային միջանցքի ֆինանսական միջոցների փնտրտուքներում

News.am. 17-6-2011- Ադրբեջանը, Ռուսաստանն ու Իրանը ֆինանսավորման աղբյուրներ են որոնում Հյուսիս-Հարավ տրանսպորտային միջանցքի շրջանակներում: Այդ մասին հունիսի 17-ին Բաքվում հայտնել է Ռուսաստանի տրանսպորտի նախարար Իգոր Լեւիտինը:

Նրա խոսքով, այդ հարցով Ադրբեջանի, Ռուսաստանի եւ Իրանի միջեւ փոխհամաձայնության հուշագիր կա:
«Այժմ մշակվում են ֆինանսավորման հարցերը նախագծի շրջանակներում»,- ասել է Լեւիտինը:
Ինչպես արդեն հայտնել է NEWS.am-ը, երեք երկրների երկաթուղային վարչակազմերի ղեկավարները փետրվարի 8-ին Թեհրանում համաձայնագրերի փաթեթ են ստորագրել նախագծի վերաբերյալ:
Նախատեսվում է կառուցել եւ շահագործման հանձնել Ղազվին-Ռեշտ-Աստարա (Իրան)-Աստարա (Ադրբեջան) երկաթգիծը, որը Հյուսիս-Հարավ երկաթգծի մասն է դառնալու: