News.am. 2-7-2011- Վրաստանի խորհրդարանը փոփոխություններ է կատարել Քաղաքացիական օրենսգրքում, ըստ որի հինգ կրոնական միավորման շնորհվում է իրավաբանական անձի կարգավիճակ, հաղորդում է «Նովոստի-Գրուզիան»:Իրավաբանական անձի կարգավիճակ է տրվում Վրաստանում Հայ առաքելական եկեղեցուն, Հռոմի կաթոլիկ եկեղեցուն, մահմեդական եւ հրեական համայնքներին, Բապտիստական եկեղեցուն:
Օրինագծին դեմ է հանդես եկել ընդդիմադիր «Քրիստենեա-դեմոկրատական» խմբակցությունը:
«Վրաց եկեղեցին նույնատիպ կարգավիճակ չունի... Մենք պետք է հասկանանք` արդյոք Հայաստանն ու Ադրբեջանը պատրաստվում են նման կարգավիճակ շնորհել Վրաց եկեղեցուն, որպեսզի սա չլինի միակողմանի պարզված ձեռք»,-հայտարարել է խմբակացության անդամ Նիկոլոզ Լալիաշվիլին:
Վրաստանի իշխանությունները սակայն պնդում են, որ դրանով Վրաստանի ուղղափառ եկեղեցու դերը չի թուլանում: «Իրավական կարգավիճակի շնորհումը հատուկ իրավունքների ստացում չի նախատեսում, եւ Վրաց եկեղեցին պահպանում է բարձրագույն կարգավիճակը»,-- ի պատասխան ընդդիմադիր պատգամավորի հարցի` ասել է խորհրդարանի փոխխոսնակ Գիգի Ծերեթելին:
Իրավաբանական անձի կարգավիճակը կազմակերպությանը թույլ է տալիս իրականացնել քաղաքական, պետական, սոցիալական, լուսավորչական, մշակութային եւ հանրային այլ գործունեություն` անկախ պետական վերահսկողությունից:
Tehran Time
Yerevan Time
No comments:
Post a Comment