Tert.am.5-1-2010- Հունվարի 4-ին Դուբայում բացվում է աշխարհի ամենաբարձր երկնաքերը: «Բուրջ Դուբայ» շենքի բարձրությունը կազմում է 818 մ, կառուցել են այն վեց տարվա ընթացքում: Այդ մասին հաղորդում է BBC-ն:
«Բուրջ Դուբայ» կառույցում, որի անունն արաբերեն նշանակում է Դուբայի աշտարակ, ունի 162 հարկ, իսկ ներքին սրահների ընդհանուր մակերեսը կազմում է ավելի քան մեկ մլն քառ. մետր:
Դուբայի այդ շինությունը կրկնակի գերազանցում է Նյու Յորքի ամենաբարձր Empire State building երկնաքերի բարձրությունը, ինչպես նաև մինչ այժմ աշխարհի ամենաբարձր երկնաքեր համարվող շինությանը, որը գտնվում է Թայվանի մայրաքաղաքում:
Ըստ Դուբայի երկնաքերի հեղինակների` այս կառույցի առանձնահատկությունը բնակելի հարկն է և դիտահրապարակը, որը գտնվում է 124-րդ հարկում:
Կառույցն առանձնանում է ժամանակակից դիզայնով, բայց զգացվում է նաև իսլամական ավանդույթների շունչը: Ինչպես վստահեցնում են երկնաքերի նախագծի հեղինակները, այն կանգուն կմնա նույնիսկ երկրաշարժերին:
«Բուրջ Դուբայում» արդեն տեղ են գտել «լյուքս» կարգի բնակարաններ, գրասենյակներ, իսկ շուտով կլինի նաև հյուրանոց:
Tuesday, January 5, 2010
Subscribe to:
Post Comments (Atom)
No comments:
Post a Comment