Aysor.am- 11.5.2010- Այս օրերին Ադրբեջանի իշխող «Ենի Ազերբայջան» կուսակցությունը շրջանային և քաղաքային կազմակերպությունների համահանրապետական խորհրդակցություն է անցկացրել, որտեղ կուսակցության գործադիր քարտուղար Ալի Ահմեդովը հայտարարել է, որ առաջիկա խորհրդարանական ընտրություններում ինքնագլուխ սեփական պատգամավորական թեկնածությունն առաջադրողները կպատժվեն:
Խորհրդակցությունը ԶԼՄ-ների համար փակ է եղել:
Ըստ «Բիզիմ յոլ»-ի, Ա.Ահմեդովը խորհրդակցության մասնակիցներին ասել է, որ կուսակցության ղեկավարության մակարդակով որոշվել է կազմել պատգամավորության թեկնածուների ցուցակը, որից դուրս որևէ ինքնակոչ կուսակցական թեկնածուն կպատժվի: Նա ասել է, որ կուսակցության ղեկավարությունն է որոշելու այս կամ այն անդամի թեկնածու առաջադրվելու հնարավորությունը: «Հակառակ դեպքում ինքնուրույն կերպով ընտրություններին մասնակցողները կհամարվեն կուսակցության պաշտոնական թեկնածուների մրցակիցներ և նրանց ու մեր ճանապարհները կբաժանվեն»,- ասել է նա:
Tuesday, May 11, 2010
Subscribe to:
Post Comments (Atom)
No comments:
Post a Comment