Panorama.am. 12-11-2012- Գերմանիայի մայրաքաղաք Բեռլինում գործող «Թուրքիայի երիտասարդական
Հայ-իրանական տնտեսական հարաբերությունների ամրապնդումը կնպաստի տարածաշրջանի համակեցության ապահովման գործընթացին: Այդ մասին Իրանի պաշտոնական «ԻՌՆԱ» լրատվական գործակալության հաղորդմամբ՝ ՀՀ արդարադատության նախարար Հրայր Թովմասյանի հետ հանդիպման ժամանակ նշել է ԻԻՀ Մեջլիսի նախագահ Ալի Լարիջանին: Իրանի Մեջլիսի նախագահը, անդրադառնալով հայ-իրանական հարաբերությունների ներկա մակարդակին, նշել է, որ երկու ազգերի պատմական և մշակութային կապերն ընդհանուր փոխըմռնման մթնոլորտ են ստեղծել, որն էլ խթան է հանդիսանում երկկողմ քաղաքական, տնտեսական համագործակցության ամրապնդմանը: Ալի Լարիջանին, անդրադառնալով իրավական ոլորտի համագործակցությանը, օգտակար է գնահատել Իրանի և Հայաստանի միջև իրավական օգնության և արտահանձման մասին ստորագրվելիք համաձայանագրերը: ՀՀ արդարադատության նախարարն էլ իր հերթին նշելով, որ Իրանի և Հայաստանի բարեկամական հարաբերությունները տարածաշրջանային երկկողմ համագործակցության լավ օրինակ են, հավելել է, որ երկու երկների ղեկավարների կամքն է, որպեսզի երկկողմ համագործակցությունը զարգացնա տարբեր ոլորտներում:
Իրանական Fars լրատվական գործակալության փոխանցմամբ՝ Իրանն իր արբանյակըերկրի ուղեծիր է ուղարկելու պինդ վառելիքով հրթիռի օգնությամբ: Այս մասին հայտարարել է Իսլամական հեղափոխության պահակազորի հրամանատար Ալի Ջաֆարին: Վերջինիս խոսքերով՝ արբանյակի արձակումը տեղի կունենա այն միջոցառումների շրջանակներում, որոնք նվիրված են Իսլամական հեղափոխության պահակազորի գեներալ Հասան Թեհրանի Մողադդամի մահվան տարելիցին: 2011 թվականի նոյեմբերի 12-ին Թեհրանից 25 կիլոմետր դեպի արևմուտք ընկած Ամիր Ալ-Մոմեյնին ռազմաբազայում պայթյուն էր որոտացել, ինչի հետևանքով, պաշտոնական տվյալներով զոհվել էր 17 և վիրավորվել է 16 մարդ: Իսլամական հեղափոխության պահակազորի բազայում տեղի ունեցած պայթյունի հետևանքով զոհվածներից մեկն էլ եղել է Իրանի մարտական հրթիռների մշակման ու արտադրության ծրագրի ղեկավարներից Հասան Թեհրանի Մողադդամը: Իրանն արդեն իսկ հաջողությամբ երեք արբանյակ է արձակել տիեզերք: Փետրվարի 3-ին Իրանն ուղեծիր ուղարկեց հայրենական արտադրության արբանյակ:
Panorama.am. 12-11-2012- Իրանը բարձր է գնահատում Արևմուտքի՝ հակաիրանական քաղաքականության հարցում Հայաստանի բռնած դիրքորոշումը: Այդ մասին Իրանի պաշտոնական «ԻՌՆԱ» լրատվական գործակալության հաղորդմամբ՝ ՀՀ արդարադատության նախարար Հրայր Թովմասյանի հետ հանդիպման ժամանակ նշել է ԻԻՀ դատական իշխանության նախագահ Ամոլի Լարիջանին: Ամոլի Լարիջանին, անդրադառնալով հայ-իրանական հարաբերությունների ներկա մակարդակին, հույս է հայտնել, որ երկկողմ հարաբերությունները, բացի քաղաքական, տնտեսական և մշակութային ոլորտներից, կընդլայնվեն նաև իրավական ոլորտում: Հայաստանի արդարադատության նախարարն էլ իր հերթին բարձր է գնահատել Իրանի իշխանությունների՝ երկրի կրոնական փոքրամասնությունների հանդեպ ունեցած լավ վերաբերմունքը: Հանդիպման ավարտին, ՀՀ և ԻԻՀ արդարադատության նախարարները ստորագրել են դատական ոլորտում համագործակցության մասին հուշագիր:
Ռուս-թուրքական հարաբերությունները սառել են: Այս մասին գրում է «Նեզավիսիմյա գազետան»: «Վերջին ամիսներին Ռուսաստանի և Թուրքիայի հարաբերությունները լարված են, և դա էլ հանգեցրել է ՌԴ նախագահ Վլադիմիր Պուտինի Թուրքիա կատարելիք այցի հետաձգմանը: Իսկ դրա համար առիթ է հանդիսացել Թուրքիայի իշխանությունների ոչ բարեկամական արտահայտությունները Ռուսաստանի հասցեին: Սեպտեմբերի 30-ին Թուրքիայի վարչապետ Ռեջեփ Էրդողանը՝ «Արդարություն և Զարգացում» կուսակցության նիստի ժամանակ հայտարարել էր, որ Ռուսաստանը այն պետությունների թվին է պատկանում, որոնց պատմությունը չի ների, եթե վերջիններս աջակցություն ցուցաբերեն Սիրիայի արյունալի հակամարտությանը: Դրանից անմիջապես հետո Թուրքիայի կարգադրությամբ հարկադիր վայրէջք կատարեց Սիրիա ուղևորվող ռուսական ինքնաթիռը, որը Մոսկվայից Դամասկոս էր մեկնում: Նման դեմարշների պատճառը, հավանաբար, պետք է փնտրել այն փակուղային իրավիճակում, որում հայտնվել է Անկարան»,-գրում է պարբերականը: «Պատահական չէ, որ Թուրքիայի իշխանությունների դիրքորոշումը Սիրիայի հանդեպ, ըստ սոցիոլոգիական հարցումների, չի աջակցում բնակչության 82%-ը, իսկ այս ընթացքում «Արդարություն և Զարգացում» կուսակցությունը կորցնում է իր հեղինակությունը: Իսկ սա չի կարող չմտահոգել Թուրքիայի իշխանություններին, ինչպես նաև անձամբ Էրդողանին, ով ցանկանում է 2014թ զբաղեցնել Թուրքիայի նախագահի պաշտոնը: Տարածաշրջանում երկու պետությունների հարաբերությունների սառեցումը չի համընկնում ոչ Ռուսաստանի, ոչ էլ Թուրքիայի շահերի հետ: Սակայն հարկավոր է նշել, որ երկու պետությունների հարաբերությունների վատթարացումը ձեռնտու է արևմտյան պետություններին: Արդյո՞ք ռուսական և թուրքական իշխանությունները կկարողանան դուրս գալ այս դժվար իրավիճակից և խաղաքարտ չդառնան ուրիշ խաղում: Կարծում ենք այս ամենի պատասխանը մոտ ապագայում պարզ կդառնա»,-գրում է «Նեզավիսիմյա գազետան»: 
2012 թվականի նոյեմբերի10-ին հնդկահայոց հո•ևոր հովիվ, Հայոց մարդասիրա-կան ճեմարանի կառավարիչ Հո•եշնորհ Տեր Խորեն վարդապետ Հովհաննիսյանը ճեմարանի իր •րասենյակում ընդունեց Հնդիկ Մալաբար Եկեղեցու Կալկաթայի թեմի մետրոպոլիտ դոկտոր Ջոզեֆ Մար Դիոնիսիոսին և նրան ուղեկցող պատվիրակութ-յանը: Հայր Սուրբը բարի •ալուստ մաղթեց բարձրաստիճան հյուրին և շնորհավորեց Հնդկաստանում Հնդիկ Մալաբար Եկեղեցու կաթողիկոսության հիմնադրման 100-ամյակի առթիվ ու մաղթեց, որ Երկնավորը նորանոր հարյուրամյակներ պար•ևի և շեն ու հաստատուն պահի քույր եկեղեցու հո•ևոր կենտրոնը Քերալայում: Մետրոպոլիտ Դիոնիսիոսն իր •ոհունակությունը հայտնեց հանդիպման համար, հետաքրքրվեց հնդկահայ հո•ևոր հովվության և Հայոց մարդասիրական ճեմարանի •ործունեությամբ: Նա Հայր Խորենին հրավիրեց իրենց հո•ևոր կենտրոն Քերալա, ինքն էլ ցանկություն ու պատրաստակամություն հայտնեց պատեհ առիթով այցելել Մայր Աթոռ Սուրբ Էջմիածին, Հայաստան: Նրանք միասին աղոթեցին, ապա Մարդասիրականի բակում Դիոնիսիոս սրբա-զանն իր պատ•ամը փոխանցեց ճեմարանի աշակերտներին` հորդորելով ուսման մեջ լինել առաջադեմ, սիրել •իրքն ու լինել Հայաստանի արժանի և հպարտ զավակ-ները: Հրաժեշտից առաջ Գերաշնորհ Սրբազան Հայրը և Հո•եշնորհ Հայր Սուրբը հուշա-նվերներ փոխանակեցին: 
Թուրքական Doğan լրատվական գործակալության փոխանցմամբ՝ Թուրքիան մեծ քանակությամբ F-16 տիպի
Աղավնաձորում նոյեմբերի 9-12-ն անցկացվեց «Հայապահպանությունը որպես պետության հիմնասյուն»
PanARMENIAN.Net - 12 նոյեմբերի 2012 - «Միացյալ երիտասարդական լիգա» հասարակական շարժումը այս պահին ստորագրահավաք է անցկացնում նախագահական նստավայրի դիմաց: Հասարակական շարժման ակտիվիստները պահաջում են ՀՀ նախագահին կից ստեղծել վերահսկողության մարմին, որը կհետևի կրոնական կազմակերպություններին, մշակել օրենսդրական փոփոխություններ և «հոգեորսություն» եզրին տալ տալ իրավական սահմանում: Միացյալ երիտասարդական լիգայից հայտնում են նաև, որ Հայաստանում նոր աղանդը է ձևավորվել, որը կոչվում է «Հիսուսի հարսնացուն»: Ըստ լիգայի անադմների՝ այն գրացված չէ: Նշենք, որ ստորագրահավաքը կավարտվի 15:30, որից հետո հասարակական շարժման անդամները նախագահին կփոխանցեն իրենց պահանջները:
News.am. 12-11-2012- Թուրքիայի արտգործնախարար Ահմեդ Դավութօղլուն հայտարարել է, թե Թուրքիայում թաքնվող Իրաքի նախկին փոխնախագահի դեմ Իրաքում քաղաքական հաշվեհարդար են տեսնում։ Ինչպես տեղեկացնում թուրքական Milliyet-ը, Թուրքիայի խորհրդարանի պատգամավոր Իհսան Օզքեսը հետաքրքրվել է Թուրքիայի արտգործնախարար Ահմեդ Դավութօղլուից, թե ինչու է Թուրքիան թաքցնում Ինտերպոլով հետախուզում հայտարարված Իրաքի նախկին փոխնախագահ Թարիք Հաշիմիյին։ Դավութօղլուն պատասխանել է, թե չնայած Ինտերպոլի անդամները փոխանակվում են հանցանքների հետ կապված տեղեկություններով, սակայն անձին ձերբակալելը պարտադիր չէ։ «Մեր իշխանությունները Հաշիմիի նկատմամբ ներկայացված մեղադրանքներին մանրամասն ծանոթ չեն, իսկ Իրաքն էլ մանրամասն դոսյե չի ներկայացրել։Հաշիմին հայտարարել է, թե իր դեմ մեղադրանքները քաղաքական են»,-ասել է Դավութօղլուն։ Նշենք, որ իրաքյան դատարանը մեղավոր է ճանաչել Հաշիմիին՝ պետական պաշտոնյաների սպանության համար կազմակերպված դավադրության եւ ահաբեկչական գործողությունների կազմակերպման համար։ 
Panorama.am. 12-11-2012- Ադրբեջանում ինտերնետ կառավարման և անվտանգության վերաբերյալ օրերս տեղի ունեցած կոնֆերանսի շրջանակներում Բաքու ժամանած Եվրոպական միության մի շարք պաշտոնյաների համակարգիչները հաքերային հարձակման են ենթարկվել: Այդ մասին նոյեմբերի 10-ին իր բլոգում տեղեկացրել է Եվրպական հանձնաժողովի փոխնախագահ Նիլ Քրոսը (Neelie Kroes), փոխանցում է «Washington post»-ը: Քրոսի մամլո խոսնակ Ռայան Հիթը (Ryan Heath) առավել մանրամասներ է փոխանցել` նշելով, որ հարձակումը կատարվել է այն ժամանակ, երբ իրենք եղել են Բաքվի հյուրանոցներից մեկում: Հիթը պատմել է, որ ինքը և իր գործընկերները Apple-ից նախազգուշացնող հաղորդագրություններ են ստացել այն մասին, որ իրենց համակարգիչները հասանելի են դարձել կողմնակի անձանց համար, և նա կարծիք է հայտնել, որ որևէ մեկը փորձել է հետևել իրենց: «Ես կարծում եմ, որ այդպիսով ուղղակի փորձել են հետևել մեզ: Այժմ ենք պատրաստվում ենք փորձագետի մոտ ուսումնասիրության ենթարկել համակարգիչները` հասկանալու, արդյո՞ք որևէ բան հանել են դրանց միջից, թե՞ ոչ», -հարցազրույցում ասել է Հիթը` միևնույն ժամանակ հրաժարվելով ասել, թե ով է կատարվածի համար պատասխանատու: Եվրոպական հանձնաժողովի նախագահ Քրոսը կոնֆերանսի ժամանակ քննադատական ելույթներ է ունեցել իրեն հյուրընկալողների` ադրբեջանական իշխանությունների հասցեին, մեղադրելով նրանց համացանցում ադրբեջանցի ակտիվիստներին հետևելու և «լրատվամիջոցների ու իրենց տեղեկատվական աղբյուրների գաղտնիության իրավունքը խախտելու» համար: Իր անձնական բլոգում Քրոսը նաև նկատել է, որ հաքերային հարձակումը նավթով հարուստ Ադրբեջանի քաղաքական կյանքի համար «կոպիտ» իրականություն է: Եվրոպացի դիվանագետը նաև նկատել է, որ ադրբեջանի իշխանությունները չեն կատարել իրենց խոստումը և թույլ չեն տվել տեսակցել քաղբանտարկյալների հետ: Քրոսը պնդել է, որ կոնֆերանսի ժամանակ ակտիվիստները հետապնդման են ենթարկվել: «Ահա այդ ամենը անկեղծության և պարզության համար», -գրել է նա:
12 նոյեմբերի 2012 - Իրանի ԱԳՆ-ն հերքում է, որ «Փարչին» ռազմաբազայում շարունակվում են միջուկային օբյեկտների լիկվիդացիան, երկուշաբթի օրը հաղորդում է իրանական անգլալեզու Press TV հեռուստաալիքը: Հիշեցնենք, որ ԱՄՆ-ն և մի շարք արևմտյան երկրներ Իրանին կասկածում են միջուկային զենքի պատրաստման մեջ: Նոյեմբերի 11-ին ՄԱԳԱՏԷ-ի ղեկավար Յուկիա Ամանոն հայտարարել է, որ Իրանի իշխանությունները շարունակում են «Փարչին» ռազմաբազայում միջուկային օբյեկտների լիկվիդացիան: Այս տարվա սեպտեմբերի սկզբին Ամանոն պահանջել էր Իրանից ապահովել ՄԱԳԱՏԷ-ի փորձագետների անարգել մուտքը «Փարչինի» տարածք, քանի որ, ըստ ԶԼՄ-ների, օգոստոսին այնտեղ ակտիվություն է նկատվել: 
Irib News-ի փոխանցմամբ՝ Իրանը ջուրն է իջեցրել օդային բարձիկով հայրենական արտադրության առաջին
Panorama.am. 12-11-2012- Ֆրանսիան, որպես ԵԱՀԿ Մինսկի խմբի համանախագահ երկիր, գործադրում է բոլոր ջանքերը տարածաշրջանում կայունություն հաստատելու համար: Այս մասին «1news.az»-ի փոխանցմամբ, երկուշաբթի օրը կայացած մամուլի ասուլիսի ժամանակ հայտարարել է Ադրբեջանում Ֆրանսիայի դեսպան Պասկալ Մունիե: Նա հատուկ ընդգծել է, որ Ֆրանսիան, որպես ԵԱՀԿ Մինսկի խմբի համանախագահ երկիր աջակցում է ԼՂ հակամարտության խաղաղ կարգավորմանը: Դիվանագետը ընդգծել է, որ իր երկիրը գործադրում է բոլոր ջանքերը «տարածաշրջանում խաղաղության և կայունության հաստատման համար»: Վերջինիս խոսքերով, նոյեմբերի վերջին, ԵԱՀԿ Մինսկի խմբի համանախագահները պատրաստվում են այցելել տարածաշրջան: 
Միայն հոգևոր առաջնորդի լիազորությամբ է հնարավոր ԱՄՆ-ի հետ ուղղակի երկխոսություն վարել: Այդ մասին իրանական «ՄԵՀՐ» լրատվական գործակալության հաղորդմամբ՝ լրագրողների հետ հանդիպման ժամանակ հայտարարել է ԻԻՀ ԱԳ նախարար Ալի Աքբար Սալեհին: ԻԻՀ արտաքին գերատեսչության ղեկավարը, անդրադառնալով Իրանի և ԱՄՆ-ի միջև ուղղակի բանակցություններ վարելու հնարավորության թեմային, մասնավորապես նշել է. «Միացյալ նահանգների հետ անուղղակի բանակցություններ վարելու նախադեպ մենք արդեն իսկ ունեցել ենք Իրաքի և Աֆղանստանի հարցում, ներկայում ևս միջուկային ծրագրի շրջանակներում Իրանի և «5+1» խմբի (ՄԱԿ-ի ԱԽ 5 մշտական անդամներ և Գերմանիա) շրջանակներում մենք անուղղակիորեն բանակցում ենք, սակայն ինչ վերաբերում է ուղղակի երկխոսությանը, ապա դա ամբողջովին գտնվում է ԻԻՀ հոգևոր առաջնորդի լիազորությունների ներքո»: Նշենք, որ ԻԻՀ սահմանադրության համաձայն՝ հոգևոր առաջնորդը հանդիսանում է երկրի ԶՈւ գերագույն հրամանատարը և նրա լիազորությամբ է մշակվում պետական քաղաքականության հիմնական ուղղությունները: Նկատնեք, որ Իրանի և ԱՄՆ-ի միջև դիվանագիտական հարաբերությունները խզվեցին 1979թ. Իրանում տեղի ունեցած իսլամական հեղափոխությունից հետո: Ներկայում Թեհրանում ԱՄՆ-ի շահերը ներկայացնում է Շվեյցարիայի դեսպանությունը: 
News.am. 12-11-2012- Գերմանիայի դաշնային խորհրդարանում ձայների մեծամասնությամբ որոշում է կայացվել «Ձախ» կուսակցության 4 պատգամավորի զրկել պատգամավորական անձեռնմխելությունից։ Ինչպես տեղեկացնում է թուրքական Milliyet-ը, «Ձախ» կուսակցության 4 պատգամավորները, որոնց մեջ է եղել նաեւ ազգությամբ թուրք Սեւիմ Դաղդելենը, 2010 թվականին կոչ են արել միջուկային թափոններ տեղափոխող գնացքին արգելք հանդիսանալ։ Լյունեբերգի դատախազությունն այդ պատգամավորների դեմ հետաքննություն է սկսելու «հանցանքի ուղղորդում» մեղադրանքով։ Գերմանիայի դաշնային խորհրդարանի իշխող եւ ընդդիմադիր կուսակցությունների պատգամավորների մեծամասնությունը կողմ է քվեարկել իրենց գործընկերներին անձեռնմխելությունից զրկելու նախաձեռնությանը։ 
Panorama.am. 12-11-2012- Մեծ Բրիտանիան քննարկում է Սիրիայի տարածք սահմանափակ ռազմական ներխուժման հավանականությունը: Այս մասին տեղեկացնում է «Росбалт» լրատվական գործակալությունը: «Մեծ Բրիտանիայի ռազմական ներխուժումը Սիրիա, անշուշտ, այն հարցն է, որ մենք պետք է դիտարկենք այս պահին: Սիրիայում հումանիտար իրավիճակը վատթարանում է օր օրի, և դա կարող է հանգեցնել սահմանափակ ռազմական ներխուժման»,- հայտարերել է Մեծ Բրիտանիայի պաշտպանության շտաբի պետ, գեներալ Դեվիդ Ռիչարդսը: Բրիտանացի գեներալի խոսքով, միջազգային հանրությունը պետք է որոշի, թե ինչպես տեղի կունենա այդ ներխուժումը: Նշվում է, որ ձմռանը հնարավոր է ռազմաջոկատներ ուղարկվեն դեպի Սիրիա: «Մենք մշտապես աշխատում ենք սիրիական խնդրի հնարավոր լուծումների ուղղությամբ: Իմ աշխատանքն է` գնահատել սիրիական խնդրի լուծման ծրագրերի իրականացման հնարավորությունները»,- հայտարարել է բրիտանացի գեներալը: Հիշեցնենք, որ օրերս Մեծ Բրիտանիայի վարչապետ Դեվիդ Քեմերոնը կոչ է արել Սիրիայի նախագահ Բաշար Ասադին լքել Սիրիան: Նա հորդորել է ԱՄՆ-ին և Մ. Բրիտանիայի մյուս դաշնակիցներին Սիրիայի գործող իշխանությունը տապալելու նպատակով ավելի մեծ աջակցություն ցուցաբերել սիրիական ընդդիմությանը: Իր հերթին, Թուրքիան մտադիր է դիմել ՆԱՏՕ-ին՝ խնդրելով Սիրիայի հետ թուրքական սահմանի ողջ երկայնքով տեղակայել «Պատրիոտ» հակաօդային պաշտպանության համալիրը, որը հետագայում կարող է օգտագործվել ոչ թռիչքային բուֆերային գոտի ապահովելու նպատակով, որտեղ և կհաստատվեն ընդդիմության ղեկավար կառույցները: Իսկ Սիրիայի նախագահ Բաշար Ասադը «Russia Today» հեռուստաընկերությանը տված հարցազրույցում, խոսելով Սիրիայի տարածք միջազգային զորքերի ներխուժման հավանականության մասին` նշել է, որ չի պատրաստվում լքել երկիրը ոչ մի պարագայում, իսկ Սիրիա ռազմական ներխուժումը ծանր հետևանքներ կունենա ողջ աշխարհի համար: 
PanARMENIAN.Net - 12 նոյեմբերի 2012 - Թուրքիայի Մեծ ազգային խորհրդում Ազգայնական գործողություն խմբակցության, ադրբեջանա-թուրքական միջխորհրդարանական բարեկամական խմբի անդամ Սինան Օհանը մասնակցել է խորհրդարանական նիստի ընթացքում տեղի ունեցած ծեծկռտուքին: Ինչպես հաղորդում են թուրքական ԶԼՄ-ները, վերջինս կռվի մեջ է մտել Արդարության և զարգացման կուսակցության պատգամավոր Մուհիետդիին Ասկակի հետ: Կռիվը տեղի է ունեցել այն բանից հետո, երբ Օհանը լեզվակռիվ է սկսել փոխխոսնակ Սահիդ Յահուտի հետ, ասելով, որ վերջինս Էրդողանից ավելի շատ է վախենում, քան Ալլահից: Այդ բառերից հետո Ասկակը բռունցքներով նետվել է Օհանի վրա: Տեղի է ունեցել քաշքշուկ: Փոխխոսնակը, տեսնելով լարված իրավիճակը, դադար է հայտարարել: 
Panorama.am. 12-11-2012- Իսրայելի Էյլաթ քաղաքում ավարտվեց ծանրամարտի համաշխարհային ուսանողական երրորդ առաջնությունը: 94 կգ քաշայինների պայքարում արծաթե պարգևի արժանացավ Վարդան Դավթյանը: Նա միայն անձնական ծանր քաշի պատճառով զիջեց մրցակցին ` ռուս Եգոր Կլիմանովին: Երկու ծանրորդներն էլ երկամարտում ցույց տվեցին միևնույն` 377 կգ արդյունքը, սակայն հաղթողի կոչմանն արժանացավ Կլիմանովը: Վերջին օրը պայքարի մեջ մտած գերծանրքաշայինների մրցավեճին մասնակցում էին նաև մեր երկրի երկու պատվիրակներ: Այստեղ էլ կրկնվեց նախորդ քաշային կարգի սցենարը: Հայկ Հակոբյանը և ռուսաստանցի Էդուարդ Մեժգիկովը երկամարտում արձանագրեցին 402 կգ: Մեր մարզիկը բավարարվեց «արծաթով», քանզի կրկին դեր խաղաց անձնական քաշի գործոնը: Այս մասին հայտնում է ՀԱՕԿ-ի լրատվության բաժինը: Անդրանիկ Հովհաննիսյանը բավարարվեց չորրորդ տեղով (355 կգ): Այսպիսով` ՀՀ վաստակավոր մարզիչ Պողոս Պողոսյանի գլխավորած հավաքականի ութ ծանրորդներից վեցը համաշխարհային ուսանողական առաջնությունում արժանացան մեդալների (4 արծաթե, 2 բրոնզե): 
Իրանում այսօրվանից սկսում են լայնածավալ ռազմաօդային զորավարժություններ: Այդ մասին հաղորդում է իրանական «ՖԱՐՍ» լրատվական գործակալությունը: Համաձայն հաղորդագրության՝ Իրանի իսլամական հեղափոխության պահապանների կորպուսի (ԻՀՊԿ), բանակի, ոստիկանական ուժերի տարբեր ստորաբաժանումներ Հյուսիսային Խորասան, Խորասան Ռազավի, Հարավային Խորասան, Սիսթան և Բալուչեսթան, Քերման, Հորմոզգան, Յազդ և Ֆարս նահագներում ավելի քան 850 հազար կմ տարածության վրա այսօրվանից սկսում են լայնածավալ օդային զորավարժություններ: Սույն զորավաժությանը, ի թիվս այլ ռազմական տեխնիկայի, մասնակցում են նաև «F4», «F5», «F7», «F14», «Միրաժ» և «Սու» կործանիչները: 
News.am. 12-11-2012- Լացը մարդու օրգանիզմի վրա նույնքան դրական է ազդում, որքան եւ ծիծաղը,
1in.am. 12-11-2012- Իրանը մտադիր է այսուհետ «ավելի դաժանորեն արձագանքել» Խարք կղզու վրա և Պարսից ծոցում Իրանի օբյեկտների մասին տնտեսական տեղեկություն ստանալու նպատակով ամերիկյան անօդաչու թռչող սարքերի հետախուզական թռիչքներին: Այսպիսի նախազգուշացմամբ այսօր հանդես է եկել Իրանի «իսլամական հեղափոխության պահակների» կորպուսի աերոտիեզերական ստորաբաժանման հրամանատար Ամիր Ալի Հաջիզադեն: «Ֆարս» տեղեկատվական գործակալության փոխանցմամբ` նա նշել է, որ նոյեմբերի 1-ին ԱՄՆ ռազմաօդային ուժերի «լրտեսները» ներխուժել են Իրանի օդային տարածք` Բուշեր նահանգի հարավային մասի վրա և բախվել իրենց պատասխան գործողություններին: «Ամերիկացիների զեկույցների համաձայն` ինքնաթիռների այդ տիպը նախատեսված է հետախուզական տեղեկություններ հավաքելու համար, այլ խոսքերով` լրտեսության»,- նշել է Հաջիզադեն: «Այս ինքնաթիռն ավելի վաղ էլ էր ներխուժել այս տարածք, մենք նախազգուշացրել էինք ԱՄՆ-ին դրա անթույլատրելիության մասին, սակայն այս անգամ մեր նախազգուշացումն ավելի լուրջ էր: Մենք չենք անտեսում մեր ազգային շահերը: Եվ եթե հակառակորդը խախտի մեր արգելքները և նմանատիպ դեպքերը կրկնվեն, մենք ավելի դաժան կլինենք»,- ասել է նա: ԱՄՆ պաշտպանության նախարարության ներկայացուցիչ Ջորջ Լիթթլը հայտարարել է, որ Իրանի ռազմական ինքնաթիռները փորձել են ոչնչացնել ամերիկայն անօդաչու սարքը, որը հետախուզութուն է արել Պարսից ծոցի վրա՝ միջազգային օդային տարածքում: Լիթթլը հայտնել է, որ թռչող սարքում զենք չի եղել, այն սովորական հետախուզություն է վարել: Իրանը մտադիր է այսուհետ «ավելի դաժանորեն արձագանքել» ամերիկյան անօդաչու սարքերի թռիչքներին 1in.am. 12-11-2012- Իրանը մտադիր է այսուհետ «ավելի դաժանորեն արձագանքել» Խարք կղզու վրա և Պարսից ծոցում Իրանի օբյեկտների մասին տնտեսական տեղեկություն ստանալու նպատակով ամերիկյան անօդաչու թռչող սարքերի հետախուզական թռիչքներին: Այսպիսի նախազգուշացմամբ այսօր հանդես է եկել Իրանի «իսլամական հեղափոխության պահակների» կորպուսի աերոտիեզերական ստորաբաժանման հրամանատար Ամիր Ալի Հաջիզադեն: «Ֆարս» տեղեկատվական գործակալության փոխանցմամբ` նա նշել է, որ նոյեմբերի 1-ին ԱՄՆ ռազմաօդային ուժերի «լրտեսները» ներխուժել են Իրանի օդային տարածք` Բուշեր նահանգի հարավային մասի վրա և բախվել իրենց պատասխան գործողություններին: «Ամերիկացիների զեկույցների համաձայն` ինքնաթիռների այդ տիպը նախատեսված է հետախուզական տեղեկություններ հավաքելու համար, այլ խոսքերով` լրտեսության»,- նշել է Հաջիզադեն: «Այս ինքնաթիռն ավելի վաղ էլ էր ներխուժել այս տարածք, մենք նախազգուշացրել էինք ԱՄՆ-ին դրա անթույլատրելիության մասին, սակայն այս անգամ մեր նախազգուշացումն ավելի լուրջ էր: Մենք չենք անտեսում մեր ազգային շահերը: Եվ եթե հակառակորդը խախտի մեր արգելքները և նմանատիպ դեպքերը կրկնվեն, մենք ավելի դաժան կլինենք»,- ասել է նա: ԱՄՆ պաշտպանության նախարարության ներկայացուցիչ Ջորջ Լիթթլը հայտարարել է, որ Իրանի ռազմական ինքնաթիռները փորձել են ոչնչացնել ամերիկայն անօդաչու սարքը, որը հետախուզութուն է արել Պարսից ծոցի վրա՝ միջազգային օդային տարածքում: Լիթթլը հայտնել է, որ թռչող սարքում զենք չի եղել, այն սովորական հետախուզություն է վարել: 
News.am. 12-11-2012- Իրանի իշանությունները մերժել են ԱՄՆ-ի հետ ուղիղ կապ հաստատելու Վաշինգտոնի առաջարկը, տեղեկացնում է «ՌԻԱ Նովոստի» գործակալությունը՝ հղում անելով իրանական «Ֆարս» գործակալությանը։ «ԱՄՆ-ն Իրանին առաջարկել է «ուղիղ շփման գիծ» հաստատել, սակայն Իրանը մերժել է առաջարկը»,- հայտարարել է Իրանի ԶՈՒ գլխավոր հրամանատարի խորհրդական Ռահիմ Սաֆարին։ 2011թ.-ին Պենտագոնը հայտարարել է Թեհրանի և Վաշինգտոնի միջև ռազմական հարցերով ուղիղ հաղորդակցություն ստեղծելու մտադրության մասին, որպեսզի հնարավորություն ունենա խուսափել Պարսից ծոցում անցանկալի առճակատումից։ Ինչպես տեղեկացնում է «Ֆարս» գործակալությունը, Սաֆարին չի ճշգրտել, թե խոսքը Պենտագոնի նախո՞րդ առաջարկի մասին է, թե՞ ԱՄՆ-ն նոր փորձ է արել՝ Իրանի հետ ռազմական շփումը վերականգնելու ուղղությամբ։ 
PanARMENIAN.Net - 12 նոյեմբերի 2012 - 1993-ին Թուրքիայի նախագահ Տուրգուտ Օզալայի
PanARMENIAN.Net - 12 նոյեմբերի 2012 - Երկուշաբթի օրը Ելիսեյան պալատում Ֆրանսիայի նախագահ Ֆրանսուա Օլանդի հետ հանդիպումով կմեկնարկի Հայաստանի նախագահ Սերժ Սարգսյանի պաշտոնական այցը Ֆրանսիա: Կողմերը կքննարկեն երկու երկրների միջև տնտեսական և քաղաքական կապերի ամրապնդման հեռանկարները: Ինչպես սպասվում է, պետությունների ղեկավարները նաև կանդրադառնան ղարաբաղյան հակամարտության կարգավորման խնդրին: Սարգսյանի հետ հանդիպումը, ով արդեն բազմիցս եղել է Ֆրանսիայում, Օլանդի համար կլինի առաջինը: Որպես ԵԱՀԿ Մինսկի խմբի համանախագահ, որը զբաղվում է Հայաստանի և Ադրբեջանի միջև ղարաբաղյան հակամարտության խաղաղ կարգավորման գործընթացով, Ֆրանսիան իր առջև նպատակ է դնում նպաստել կողմերի դիրքորոշումների մերձեցմանը: Աշնան սկզբին խմբի ներկայացուցիչները հանդիպել են երկու երկրների ԱԳՆ ղեկավարների հետ, որպեսզի քննարկեն իրավիճակը վերջին ամիսների հաճակի դարձած հրադադարի ռեժիմի խախտումների լույսի ներքո, գրում է ԻՏԱՐ-ՏԱՍՍ-ը: Ներկա այցի ընթացքում Սարգսյանը կհանդիպի ֆրանսիացի պատգամավորների և սենտորների հետ, որոնք մտնում են Հայաստանի հետ Բարեկամության խորհրդարանական խմբի մեջ: Նախագահը նաև կշփվի տեղի գործարար օղակների ներկայացուցիչների հետ:
Tert.am. 12-11-2012- ԱՄՆ Պետդեպարտամենտը երեկ ուշ երեկոյան հայտարարել է, որ սատարում է Սիրիայի ընդդիմադիր նոր կոալիցիային, որը ձևավորվել է Կատարում ընթացած բանակցությունների արդյունքում. տեղեկացնում է BBC-ն։ «Մենք ուրախ ենք սատարել Ազգային կոալիցիային, քանի որ նա նոր կուրս է սահմանում՝ ուղղված Բաշար ալ-Ասադի իշխանության կողմից արյունահեղությունների դադարեցմանը և խաղաղ, արդար և ժողովրդավար ապագայի սկզբին, որին արժանի է Սիրիայի ժողովուրդը»,-ասված է ԱՄՆ պետքարտուղարության մամուլի քարտուղարի տեղակալ Մարկ Թոների հայտարարության մեջ։ Նոր կառուցվածքը, որը միավորել է Սիրիայի ընդդիմությանը, ստացել է « Ընդդիմադիր ուժերի և սիրիական հեղափոխության ազգային կոալիցիա» անվանումը։ Նորաստեղծ կառույցի ղեկավար է ընտրվել Դամասկոսի իսլամական հոգևորականության առաջնորդներից Մուազ ալ-Խաթիբը, ով ավելի վաղ փախել էր Դամասկոսից՝ միանալով ընդդիմությանը։ Ավելի վաղ ալ-Խաթիբը կոչ էր արել կոնֆլիկտի քաղաքական լուծման, որպեսզի փրկեն Սիրիան՝ հետագա ավերածություններից։ Նրա համոզմամբ՝ բանակցությունները Բաշար ալ-Ասադի հետ «չեն փրկի ռեժիմին», սակայն հնարավորություն կտան դրա հեռացումն ավելի «անցավ» իրականացնել։ 
HayNews.am. 10-11-2012- Նոյեմբերի 10-ին կայացավ Հայաստանի Հանրապետության եւ Լեռնային Ղարաբաղի Հանրապետության արտգործնախարարներ Էդվարդ Նալբանդյանի եւ Կարեն Միրզոյանի հանդիպումը: Նախարար Նալբանդյանը շնորհավորեց ԼՂՀ նախարարին պատասխանատու պաշտոնի ստանձնման կապակցությամբ` մաղթելով հաջողություններ: Նախարարները մանրամասն քննարկեցին արցախյան հիմնախնդրի կարգավորման բանակցային գործընթացում տեղի ունեցած վերջին զարգացումները: Հանդիպմանը երկուստեք կարեւորվեց ՀՀ եւ ԼՂՀ արտաքին գործերի նախարարությունների միջեւ համագործակցության խորացումը, քաղաքական խորհրդատվությունների պարբերական անցկացումը: ՀՀ ԱԳ նախարարն Արցախի իր պաշտոնակցի հետ մտքեր փոխանակեց տարածաշրջանային եւ միջազգային օրակարգի խնդիրների շուրջ: Հանդիպումից հետո ՀՀ արտգործնախարարի անունից տեղի ունեցավ ընդունելություն` ԼՂՀ արտգործնախարարի պատվին պաշտոնի ստանձնման կապակցությամբ, որի ընթացքում Կարեն Միրզոյանին հանձնվեց ՀՀ արտգործնախարարության պատվո հուշամեդալը:
News.am. 11-11-2012- Թուրքիայի տարածքում հակաօդային պաշտպանության (ՀՕՊ) համակարգերի տեղակայման հարցում որոշակի ռազմաքաղաքական մեքենայություններ ու ինտրիգներ կան: Այս մասին, NEWS.am-ի թղթակցի հետ զրույցում նշեց ռազմական փորձագետ Արկադի Գրիգորյանը: Թուրքիան մտադիր է ՀՕՊ համակարգեր տեղակայել իր տարածքում, որի նպատակով արդեն մրցույթ է հայտարարել: Թուրքական կողմի հիմնական հետաքրքրությունը ամերիկյան «Փեթրիոթ»-ի կողմն է, թեեւ ֆորմալ առումով խոսվում է ռուսական ՀOՊ համակարգերի գնման հնարավորության մասին: «Խոսելով Հակաօդային պաշտպանության համակարգերի տեղակայման մասին, Թուրքիան խոստովանում է, որ հակաօդային պաշտպանության ոլորտում իր վիճակը ողբերգական է: Իսկապես, «սառը պատերազմից» հետո մնացած «Ռապիրա» եւ «Նայք Հերկուլես» զենիթահրթիռային համալիրները չափից դուրս հնացած են»,-նշել է Արկադի Գրիգորյանը: Սիրիայի կողմից սպառնալիքի եւ դրանով պայմանավորված ՀՕՊ համակարգերի տեղակայման անհրաժեշտության մասին Թուրքիայի հայտարարությունների համատեքստում, փորձագետը հայտարարեց, որ իրականում Սիրիայի կողմից որեւէ սպառնալիք չկա: «Սիրիան չի պատրաստվում հարձակվել Թուրքիայի վրա: ՀՕՊ համակարգեր տեղակայելու շուրջ թուրքական հիստերիկան միանշանակ խոսում է այդ ոլորտում տխուր վիճակի մասին: Այսպիսով, հաստատվում է այն, ինչի մասին բազմիցս է խոսվել. տարածաշրջանում լավագույն ՀՕՊ համակարգերը Հայաստանինն են»,-ընդգծեց Գրիգորյանը, հավելելով, որ Թուրքիայում ՀՕՊ համակարգեր տեղակայելու հիմնական թիրախը Իրանն է, ոչ թե՝ Սիրիան: Այդ առումով արժե հիշել Իրանի խոստումները՝ հարվածել ՆԱՏՕ-ի Թուրքիայի տարածքում գտնվող ռազմակայաններին: «Թուրքիան գումար չունի ՀՕՊ համակարգերի անհրաժեշտ քանակ գնելու համար, որպեսզի անվտանգ դարձնի իր երկրի տարածքը, ուստի սա ՆԱՏՕ-ից օգնություն խնդրելու հստակ «մեսիջ» է: Եթե Թուրքիային հաջողվի հասնել ցանկալի նպատակին, այսինքն ձեռք բերի ամերիկյան նոր «Փեթրիոթ»-ներ, դա մարտահրավեր կլինի Ռուսաստանին»,-ամփոփեց Արկադի Գրիգորյանը: 
Tert.am. 11-11-2012- Իրանի մշակույթի նախարար Մուհամմադ Հուսեյինը հայտարարել է, որ Արևմուտքի պատժամիջոցներն Իրանի մշակույթի նախարարության դեմ զարմանալի երևույթ է, և միջուկային ծրագրերն Արևմուտքի համար պարզապես պատրվակ են։ Ինչպես տեղեկացնում է իրանական IRNA գործակալությունը, նախարարը քննադատել է նման պատժամիջոցների կիրառումը, քանի որ նախարարությունը սատարում է մշակույթին և արվեստին։ Հիշեցնենք, որ օրեր առաջ Միացյալ Նահանգները հերթական անգամ լրացրել էր այն անձանց ցուցակը, որոնց նկատմամբ միակողմանիորեն կիրառվում են ամերիկյան պատժամիջոցներ։ Նոր ցանկում ներառվել էին Իրանի կապի և տեղեկատվական տեխնոլոգիաների ու մշակույթի նախարարների անունները։ «Պետդեպարտամենտն իրազեկել է Կոնգրեսին, որ իրանցի 4 չինովնիկ և իրանական 5 ընկերություն ներառվել են պատժամիջոցների ցանկում՝ գրաքննությանը մասնակցության կամ այլ գործողությունների համար, որոնք ուղղված են Իրանում հավաքների և խոսքի ազատության, ինչպես նաև տպագիր կամ էլեկտրոնային մեդիայի հասանելիությանը սահմանափակումներին»,- ասված էր Պետդեպարտամենտի հաղորդագրության մեջ։ 
Panorama.am. 10-11-2012- «Ընդհանուր առմամբ, առաջին հանդիպումը բավականին խոստումնալից էր: Դա հնարավորություն կտա համագործակցել հիմնական կետերի շուրջ, որոնք հրապարակել ենք նաև մեր վերջին ասուլիսի ժամանակ, համաձայնեցնել և գնալ առաջ»,- ՀՅԴ-ԲՀԿ առաջին հանդիպումից հետո, ըստ ՀՅԴ բյուրոյի պաշտոնական կայքի, հայտարարել է Արմեն Ռուստամյանը: Նա նաև տեղեկացրել է, որ հանդիպումը նախնական էր, և որ հանդիպման ընթացքում ներկայացվել են կողմերի տեսակետները: Հիշեցնենք, որ ԲՀԿ-ն առաջարկով դիմել էր քաղաքական ուժերին՝ քաղաքական խորհրդակցություններ սկսել երկրում համակարգային լուրջ փոփոխություններ անելու համար: «Արձանագրեցինք, որ համաձայնեցման դաշտի գերակշիռ մասը առկա է: Ստեղծված իրավիճակի գնահատումները, բնականաբար, բավականին մոտ են: Հանդիպման ընթացքում կարևորվեց, որ այս փուլում անհրաժեշտ է ամեն ինչ անել, որպեսզի միավորող գաղափարն ամրապնդվի, որից հետո արդեն մյուս տակտիկական քայլերը կքննարկենք»,- ասել է նա: Արդյո՞ք քաղաքական դաշտում այլ ուժերի հետ ընդհանուր համախմբումը կստացվի հացին, Ա. Ռուստամյանը պատասխանել է, որ կյանքը ցույց կտա: Նա ընդգծել է նաև, որ ՀՅԴ-ն այդ ճանապարհն է մատնացույց անում, որով երկիրն այս վիճակից դուրս կգա: «Սա այն օրակարգն է, որում կա անհրաժեշտ և բավարար քայլերի ցանկը, որը շատ կարճ ժամանակում կապահովի այն Հայաստանի կերտումը, որը մենք բոլորս երազում ենք: Սա համախմբման ամենակարևոր առանցը կարող է լինել, և եթե սա վերածվեց հասարակական պահանջի, ով էլ լինի իշխող ուժը, չի կարող հաշվի չնստել արդեն ձեւավորված հասարակական պահանջի հետ: Այս դուռը բաց է բոլորի առջև: Որքան մեծ կոնսոլիդացիա առաջանա այս գաղափարների շուրջ, այնքան կմեծանա այս խնդիրները լուծելու հեռանկարը»,- ասել է ասաց Արմեն Ռուստամյանը:
Tehran Time
Yerevan Time